• மிகவும் வேகமாக தனது எதிர்கால துணையைத் தேடலாம்
• தளம் முழுவதையும் தமிழ் மற்றும் ஆங்கிலத்தில் எப்போது வேண்டுமானாலும் மாற்றிக்கொள்ளலாம்.
• ஜாதக பொருத்தங்களை வலைத்தளத்திலேயே பார்க்கலாம் (ஜோசியர் அல்லது ஐயர் தேவையில்லை)
• தேடிய துணைகளுடன் தன்னுடைய ஜாதகத்தை அப்படியே பொருத்திப் பார்க்கலாம்.
• துணையுடன் உரையாட தமிழ் கல்யாணம்.காம் அரட்டை சேவை (வலைத்தளத்திலும் தனியாக நிறுவிக்கொள்ளும் மெஸெஞ்சர் முறையிலும் கிடைக்கும்).
• திருமணம் செய்வது என்று முடிவெடுத்துவிட்டால் அதற்கு தேவையான அனைத்து விவரங்களும் தளத்திலேயே கிடைக்கும்.
• அழைப்பிதழ் அடிப்பதில் ஆரம்பித்து திருமணம் ஆகியபின் பிள்ளைகள் பிறந்தால் அவர்களுக்கு வைக்கும் பெயர் வரை அனைத்து விவரங்களும் தளத்திலேயே கிடைக்கும்.

இந்த வலைத்தளம் முதல் ASP மொழியில் எழுதப்பட்டு செயல்பட்டது. தளத்தின் அமைப்புகள் நன்றாக இருந்திருந்தாலும் கிட்டத்தட்ட நான்கு வருடங்களுக்கு முன் அமைக்கப்பட்டது என்பதால் வடிவமைப்பு இப்போதைய நவீன அமைப்பு போலில்லை. அது மட்டுமின்றி Web 2.0 வில் கிடைக்கும் பலவித புதிய பயனர் முகப்புகள் மற்றும் அம்சங்கள் கிடைத்தால் வலைத்தளம் இன்னமும் மெருகு கூடும்.

இதையெல்லாம் கருத்தில் கொண்டு தற்போது வலைத்தளம் முழுவதும் நவீன முறைப்படி வடிவமைக்கப்பட உள்ளது. அதற்கு முன்னோடியாக PHP மொழியில் மிகச் சிறந்த Yii Framework மூலம் தளம் எழுதப்பட்டு வருகின்றது. வரப்போகின்ற தளத்தின் முன்மாதிரியை தற்போது அமைத்துள்ளேன். நண்பர்கள் அதை இங்கே காணலாம்.

தளத்தைப் பார்த்துவிட்டு தங்களுடைய மேலான கருத்துக்களை பகிர்ந்துகொள்ளுங்கள். இன்னும் வேறேதேனும் சிறப்பம்சங்கள் வேண்டுமென்றாலும் தெரிவிக்கலாம். அனைத்து கருத்துக்களும் பரிசீலனைக்கு எடுத்துக்கொள்ளப்படும்.

ஆனால், யூனிகோடு முறையை ஆதரிக்கும் சஃபாரி உண்மையில் தமிழ் எழுத்துக்களைப் புரிந்துகொள்ளவே இல்லை. தமிழ் எழுத்துக்களை அழகாக காட்டுகின்றது, ஆனால் தமிழின் வார்த்தை அமைப்புகள், வாக்கிய அமைப்புகளை அது சரியாகப் புரிந்துகொள்ளவில்லை. இதனால், தமிழில் எழுதிய நீண்ட வரிகள் துண்டித்து அடுத்த வரியில் வராமல் அந்த வரியிலேயே நீண்டு கொண்டு போகின்றன. இவ்வளவு புகழ் பெற்ற ஒரு உலாவியில் இப்படி ஒரு கஷ்டமா என்று எனக்கு வியப்புதான் வந்தது. இணையத்தில் எவ்வளவு தேடியும் இதற்கு ஒரு தீர்வு எனக்கு கிடைக்க வில்லை. உங்களில் யாருக்கேனும் தெரிந்தால் தயவு செய்து எனக்கு சொல்லவும்.

உங்களுக்கு என் பிரச்சினையை விளக்க கீழே மூன்று திரை தோற்றங்களை கொடுத்துள்ளேன்:

தற்போதைய நிகழ்வு [ஏப்ரல் 8, 2008]:

புதிதாக வெளியிடப்பட்ட ஆப்பிள் சஃபாரி 3.1 பகுப்பில் இப்பிரச்சினை சரிசெய்யப்பட்டுள்ளது. இந்தப் பதிவை அவர்கள் கண்ணுற்றார்களோ என்னவோ? இருப்பினும் என்னுடைய பிரச்சினையை சுலபமாக தீர்த்து வைத்த ஆப்பிள் நிறுவணத்தாருக்கு என்னுடைய மனமார்ந்த நன்றிகள். இந்த புதிய வெளியீட்டின் சிறப்புகளை விரைவில் இந்த வலைப்பதிவுகளில் விவரமாக விளக்குகின்றேன். இந்தப் பிரச்சினை சரிசெய்யப்பட்டதை உறுதிகூறும் திரைத்தோற்றம் கீழே…

தமிழை கணினியில் உபயோகப்படுத்துவதற்கு யூனிகோட் முறை மிகவும் முக்கியமானதாக இருக்கின்றது. சில எழுத்துருக்களை (Fonts) வைத்துக்கூட தமிழில் எழுதலாம் ஆனால் அவை கோப்புகளில் மட்டுமே பயன்படுத்த முடியும். வலைத்தளங்களிலும் மென்பொருட்களிலும் நாம் எழுத்துருக்களை மட்டுமே பயன்படுத்தி தமிழில் எழுதுவது கடினம். ஏனெனில் வலைத்தளங்களாயிருப்பின் எழுத்துருவை இறக்குமதி செய்தால்தான் தமிழில் தெரியும். மென்பொருட்களாயிருப்பின் சில மென்பொருட்கள்தான் எழுத்துருக்களை மாற்ற அனுமதிக்கும். இதையெல்லாம் சரிசெய்யப் பிறந்ததே யூனிகோட் (யூனிகோடு என்றால் என்ன என்பதை அவர்களின் வலைத்தளத்தில் காணுங்கள்)

இந்த யூனிகோட் என்பது நிறைய மொழிகளை அனுமதிக்கும் ஒரு எழுத்துக்குறியீடு முறை. இதை உபயோகப் படுத்த உங்களிடம் நவீன இயங்குதளங்கள் இருக்க வேண்டும். வின்டோஸ் எக்ஸ்பியிலிருந்து வந்த அணைத்து மைக்ரோசாப்ட் இயங்குதளங்கள், லினக்ஸ் இயங்குதளங்கள், மேக் ஓஎஸ் எக்ஸ் இயங்குதளங்கள் ஆகியவை யூனிகோடை அனுமதிக்கின்றன.

தமிழ் எழுத்து முறை தெரிந்தவர்கள்

தமிழ் எழுத்து முறை விளக்கப் படம்:

பொதுவாக யூனிகோடில் நேரடியாக எழுதுவது கடினம். ஏனெனில் அது எண்களடங்கிய தொகுப்பு. எழுத்து முறைக்கு ஏதாவது செயலாக்கி வேண்டும். அப்படி ஒரு செயலாக்கி ஈ-கலப்பை. இதை உங்கள் கணினியில் பதிந்தால் ஒரு குட்டி ஐகான் உங்களது சிஸ்டம் ட்ரேயில் தெரியும் இதை சொடுக்கிப் பார்த்தாலே எந்த மொழிகளில் நீங்கள் எழுதலாம் என்று தெரியும். இதில் தமிழுக்கு ஒரு ஷார்ட் கட் கொடுத்துவிட்டால் அதைப் பயன்படுத்தி எந்த மென்பொருள் அல்லது வலைத்தளம் யூனிகோடை ஏற்றுக்கொள்கிறதோ அங்கே உபயோகிக்கலாம்.

தமிழ் எழுத்து முறை தெரியாதவர்கள்

மேலே குறிப்பிட்ட ஈ-கலப்பையின் இன்னொரு அவதாரம் அஞ்சல் எழுத்துரு முறை. இந்த முறையின் மூலம் நீங்கள் ஆங்கிலத்தில் டைப் செய்தால் அதைத் தமிழில் காணலாம். உதாரணத்திற்கு ammaa என்பது அம்மா என்று வரும். இதுவும் ஈ-கலப்பையின் இன்னொரு பதிப்பில் இருக்கின்றது.