ஸ்ரீநிவாசன் அ. பால் ஜோசப்

ஆப்பிள் சஃபாரி – தமிழுக்கு உகந்ததல்ல

January 10, 2008 இணைய உலாவிகள், உதவிக் குறிப்புகள்

ஆப்பிள் சஃபாரி வலை உலாவி என்றால் எனக்கு உயிர். அது எழுத்துக்களைக் காட்டும் விதமே தனி. எத்தனை மணி நேரம் என்றாலும் அதில் படித்துக்கொண்டே இருக்கலாம்.

ஆனால், யூனிகோடு முறையை ஆதரிக்கும் சஃபாரி உண்மையில் தமிழ் எழுத்துக்களைப் புரிந்துகொள்ளவே இல்லை. தமிழ் எழுத்துக்களை அழகாக காட்டுகின்றது, ஆனால் தமிழின் வார்த்தை அமைப்புகள், வாக்கிய அமைப்புகளை அது சரியாகப் புரிந்துகொள்ளவில்லை. இதனால், தமிழில் எழுதிய நீண்ட வரிகள் துண்டித்து அடுத்த வரியில் வராமல் அந்த வரியிலேயே நீண்டு கொண்டு போகின்றன. இவ்வளவு புகழ் பெற்ற ஒரு உலாவியில் இப்படி ஒரு கஷ்டமா என்று எனக்கு வியப்புதான் வந்தது. இணையத்தில் எவ்வளவு தேடியும் இதற்கு ஒரு தீர்வு எனக்கு கிடைக்க வில்லை. உங்களில் யாருக்கேனும் தெரிந்தால் தயவு செய்து எனக்கு சொல்லவும்.

உங்களுக்கு என் பிரச்சினையை விளக்க கீழே மூன்று திரை தோற்றங்களை கொடுத்துள்ளேன்:

தற்போதைய நிகழ்வு [ஏப்ரல் 8, 2008]:

புதிதாக வெளியிடப்பட்ட ஆப்பிள் சஃபாரி 3.1 பகுப்பில் இப்பிரச்சினை சரிசெய்யப்பட்டுள்ளது. இந்தப் பதிவை அவர்கள் கண்ணுற்றார்களோ என்னவோ? இருப்பினும் என்னுடைய பிரச்சினையை சுலபமாக தீர்த்து வைத்த ஆப்பிள் நிறுவணத்தாருக்கு என்னுடைய மனமார்ந்த நன்றிகள். இந்த புதிய வெளியீட்டின் சிறப்புகளை விரைவில் இந்த வலைப்பதிவுகளில் விவரமாக விளக்குகின்றேன். இந்தப் பிரச்சினை சரிசெய்யப்பட்டதை உறுதிகூறும் திரைத்தோற்றம் கீழே…

குறிச்சொற்கள்: இணைய உலாவிகள், தமிழ் மொழி, தொழில்நுட்பம், மென்பொருள்